*General Santos City— Gibaharan ni Gensan City Councilor Atty. Franklin Gacal, ang chairperson sa Games And Amusement si Police Senior Superintendent Romeo Ruel Berango, OIC City Director sa Gensan City Police nga iyahang pasakaan ug kaso higayon nga dili mapaundang ang operasyon sa small town lottery sa dakbayan.*
*Sumala ni Kagawad Gacal nga usa ka semana na ang nakalabay human niyang gihatag ug direktiba ang kapulisan sa pagpa-undang s aoperasyon sa stl pinaagi sa pagduso ug resolusyon, apan hangtud sa karon, nagpabiling abli ang mga outlet sa STL sa syudad.*
*Pamahayag niini nga iyaha pang hatagan ug laing usa ka semana si Col. Berango aron sa pagtuman sa maong direktiba gikan sa hawanan sa konseho.*
*Apan, kung sunod semana, magpabiling abli ang mga outlet sa STL, iyaha na kining pasakaan ug kaso sa ombudsman kalabot sa paglapas sa R.A 9649.*
*Gipklaro ni Kagawad Gacal nga trabaho lang ug walay personalan sa iyahang ginahimo sa kapulisan, gumikan isip konsehal ug abogado, knahanglan gyud nga ipatuman unsa man ang balaud.*
*Kung asa gibutyag niya nga wala siya’y unsa mang supak sa pagpahigayon ug sugal sa dakbayan, apan ang balaud, balaud gyud.*
