General Santos City— Maka-alarma na ang sunod-sunod nga patay sa dakbayan sa Gensan. Kini ang gibutyag ni Gensan City Councilor Atty. Jeng Gacal, ang chairman sa peace and safety sa konseho.
Sumala niya nga kung ang pulis ang biktima na sa mga kriminal, labaw na matud pa ang mga sibilyan.
Pamahayag ni Kagawad Gacal nga panahon na aron nga maghimo ug report ang kapulisan ug ipahibalo sa mga opisyal sa dakbayan ang tinuuray nga sitwasyon sa patay sa syudad patrikular na ang ihap sa mga pagpamusil ug kung pila na ang ilahang nasulbad.
Pag-angkon niya nga dismayado gyud siya sa kapulisan gumikan daw sa wala pay nasulbad nga kaso sa pagpamusil.
Iyaha man usab gihagit si Police Senior Superintendent Romeo Ruel Berango, ang OIC City Director sa Gensan City Police Office nga himuon ang iyahang trabaho ug pamatud-an nga angayan siyang mabutang sa maong posisyon ug kaya nilang serbisyuhan ug protektahan ang katawhan sa dakbayan.
