General Santos City— Nanawagan si Gensan City Councilor Atty. Dominador Lagare Jr, chairman sa komitiba sa transportasyon ngadto sa sector sa mga jeep nga hatagan ug tsansa ang road train sa dakbayan.
Sumala niya nga alas 4 sa buntag magsugod ang byahe niini hangtud lang alas 8 sa buntag. Pag-angkon niya nga dili pa gyud perpekto ang maong train apan higayon matud pa nga kini matarong sa Department Of Science and Technology, ang Gensan maoy nag-unang makapanghimulos.
Gitubag man usab niini ang alegasyon sa sector sa mga jeep nga ginakuhaan sila ug pasahero. Sumala niya nga walay jeep nga naga-byahe ug alas 4 sa kadlawom. Hangyo niini nga tugutan nga magamit ang maong road train sulod sa usa o duha ka bulan.
Human matud pa niini, maghimo siya ug rekomendasyon sa DOST nga mas palambuon pa ang serbisyo sa maong train alang na usab sa pagserbisyo sa katawhan
