Kagawad sa barangay gipusil sa Brgy. Kahayagan

29

Pagadian City – Nagdumili sa pagpa-ilalom sa paraffin examination ang Barangay Kagawad sa Kahayagan, Pagadian nga maoy gitudlo nga responsable sa pagpamusil sa kauban niini nga opisyal sa Barangay alas 12:05 sa kadlawon kaniadtong nakalabayng adlaw.
Nahitabo ang kagubot sa Basketball Court sa Purok Talon 1, Kahayagan, ning syudad samtang nagpahigayon og Disco Party.
Gikustodiya karon sa Pagadian City Police Station ang suspek nga si Timoteo Sabate, 59 anyos samtang nagpa-alim usab sa ospital sa biktima nga si Kagawad Dennis Magsayo , 35 anyos ug residente sa nahisgutan nga lugar.
Sa imbestigasyon nasayran nga nabulabog ang kalingawan dihang natigayon ang kumosyon sulod mismo sa diskohan nga gikalambigitan nila ni Juvy Siaboc ug Marjun Villaganas.
Gumikan sa kasamok, nisulay pagtaliwala ug pag-ulang si Kagawad Magsayo rason nga naumod sa yuta si Villaganas apan nainit nga naglantaw si Kagawad Sabate dihang nakita nga nasukamod ang iyang paryente nga si Villaganas og mikasa kini sa iyang pistola punting ngadto kang kagawad Magsayo.
Igo sa iyang paa si Kagawad Magsayo ug daling gidala sa ospital alang sa medikasyon samtang nadakpan usab ang suspek .
Nahipos sa dapit nahitabuan ang upat ka basiyo sa bala sa calibre 45 nga pistola.
Nipatim-aw usab sa buhatan sa kapulisan ang mga nakasaksi nga sila si Nelbert Getigan ug Arnold Marchan.

Facebook Comments