Dolorido ahora el entero familia del un barangay kagawad de pasobolong despues este ya muri por el ataque de corazon amedienta ta afasigua este el peleya entre el dos man hermana del domingo pasao.
Ya decalara muerto con kagawad Christopher Miguel, numero uno na consejo de barangay el maga doctor del un hospital donde conele ya lleva corre el driver del barangay council de pasobolong.
El incidente ya sosede cuando el dos man hermana canda, Leslie y Florence ya man pelyahan porcausa solamente na cell phone charger.
Amediante el diila peleya, so Florence ya saca bolo y ya hace apas con Leslie quien tambien ya corre y ya pidi aucilio con na casa di kagawad Miguel.
Aqui ya tene tambien de man cambiajan de palabra si kagawad Miguel y si Florence.
Cuantos minuto ya pasa, ya calma ambos el dos man hermana donde aqui ya decidi si kagawad Miguel para refiri el caso na estacion de pulicia.
Pero aqui tambien ya ataca na corzaon con miguel donde ya precura pa lleva corre conele el driver del barangay pero na biaje pa lang ya despidi ya si Miguel
