General Santos City–Gikadismaya ni Gensan City Councilor Jose Edmar Yumang, chairman sa Peace And Order sa konseho ang nahitabong pagpamusil sa biktimang si Miranda Tago, usa ka gwardya ug residente sa Lanton, Barangay Apopong kansa una nang gipusil alas 10:00 pasado sa buntag sa may North Osmeña Street, Barangay North, Gensan.
Sumala niya nga maka-insulto sa kabahin sa kapulisan gumikan nahitabo ang krimen haduol sa GSCPO, City Hall ingon man sa Police Station.
Iyaha na matud pang gihatagan ug direktiba ang kapulisan nga i-secure ang mga CCTV footage sa palibot sa crime scene alang sa posibleng ilhanan sa duha ka mga suspek.
Nanghinaot usab ang konsehal nga sa labing daling panahon mahatagan ug kasulbaran ang kasong pagpatay sa biktima.(LVR)
