Pipila lang kana sa daghang trahedya karon nga nahitabo sa tibuok kalibutan diin daghan na ka kinabuhi ang nakalas, mga pamilyang nawad-an og pamuyo ug panginabuhian, mga indibidwal nga samdan ug daghan pang missing na hangtod karon wala pa nakaplagan.
Sa gyera sa Israel tali Hamas, libuan na ang patay lakip na ang gikumpirmang isa ka Pinoy ug lima na ang natalang missing. Samtang kapin 70 ang kabsan sa kinabuhi ug 100 ang natalang missing human ang baha sa India. Ug dul-an 3,000 na ang natahong patay ug kapin 9,000 ang samdan sa magnitude 6.3 nga linog nga mitay-og sa Afghanistan.
Gibutyag sa usa ka Leonilo Malon nga ang sagunson nga paghitabo gikaalarma na sa ilang pamilya tungod ang iyang asawa ug anak parehong Overseas Filipino Workers (OFW) sa nasud Kuwait ug nahadlok siya sa sagunson nga trahedya sa laing nasud ug sa mga posible pang mahitabo sa uban pang mga kasikbit nasud.
Sa pagkakaron, giawhag ang katawhan nga dungan maghinaut ug mangumuyo nga mahunong na ang mga kagubot ug dagkong kalamidad aron mabalik na ang kalinaw sa tibuok kalibutan ug aron wala na’y kinabuhi pa ang makalas.
RadyoMaN Ivy Parido
