Nag-una nga rason sa pagsaka sa kaso sa Home death sa Malaybalay City ang kabalaka sa katawhan niini nga magpositibo sa sakit nga Covid-19.
Kini ang gibutyag ni Kenneth Amiel Taylor ang incharge sa paglubog sa mga patay gumikan sa Covid-19 sa Malaybalay City ug kasamtangang Commander sa Incident Management Team sa dakbayan atol sa interview sa RMN.
Sumala ni Taylor nga gakahadlok ang kadaghanan sa katawhan nga magpacheck sa balay-tambalanan kung galing naay bation nga mga sintomas sa Covid-19 maong manambal nalang sa kaugalingon.
Dugang niya nga kini mao ang nag-unang rason nganung gataas ang kaso sa mga home deaths kon pagkamatay sulod lang sa panimalay nga wala natagaag medical attention.
Gidugang usab ni Taylor nga kung ugaling anaay mamatay nga parti sa pamilya mutawag gilayon sa One Malaybalay Command sa numero 09178276117 diin ipaagi sa interview ang hingtundan aron makompirma ang hinungdan sa kamatayon.
Dugang pa nga kinahanglan gayud sutaon ang hinungdan sa kamatayon kon galing suspected, under monitoring, o nagpositibo gayud sa sakit nga Covid-19 o di ba kaha aduna nay daang balatian.
