Davao City – Gibato og kutsilyo ang usa ka kahera alas-8:30 sa buntag kagahapon nahitabo sa Arellano St., Brgy.11-B siyudad sa Davao.
Subay sa blotter sa San Pedro PNP, nidangop sa kapulisan ang naasoy nga kahera nga usa ka Joy Palero, 31 anyos, diin gireklamo niini ang suspect nga giilang Ruben Cabrera, hingkod ang edad, pareho nagpuyo sa nasampit nga lugar.
Matud pa samtang anaa sa iyang pinuy-anan si Joy, kalit kini gilabayan sa suspect og usa ka mahait nga kutsilyo sa way igong hinungdan apan maayo nalang sa shoulder bag kini naigo hinungdan nga hilabihang hadloka sa biktima.
Human sa panghitabo, igo nalang sa pagdangop sa San Pedro PNP si Joy aron usab niya paimbestigahan ang insidente samtang ang kaso giduso na barangay level.
RadyoMaN Don Pulayao
