ILOILO CITY – Ginahingyo sang Department of Public Works and Highways (DPWH) nga utdon ang mga kahon sa dalan General Luna, City Proper agud hatagan sang alagyan ang ila P100-million comprehensive drainage project nga magasugod subong nga Disyembre 8.
Suno kay Councilor RLeone Gerochi, chairman sang Committees on Public Services, Environmental Protection and Ecology, nagahingyo ang DPWH sang endorsement para sa pag-utod sang mga kahoy nga makasablag sa construction sang drainage.
Panindugan ni Gerochi bisan indi mautod ang mga kahoy madayun sa gihapon ang proyekto apang may dugang lang nga kagastuhanan.
Ginpahayag ni Gerochi nga mas flood prone ang Delgado Street kun ipaanggid sa General Luna gani mas makapaayo kun didto sa Delgado ibutang ang proyekto bangud wala pa sang kahoy nga dapat utdon.
Nagalibog man ang ulo ni Gerochi kun paano mapatalang sang DPWH ang tubig padulong sa Iloilo River gikan sa dalan Delgado.
