General Santos City–Gipasadyos nalang karon ni Gelliane Valera ang live in partner sa usa ka Raffy Bulig, 25 anyos, usa ka sikad driver nga biktima sa pagpamusil sa sa wala mailhing mga tulisan alas 11:00 ang takna sa gabie sa Prk Carmel Ville Brgy. Calumpang ning syudad samtang namasada sa iyang Sikad.
Sumala pa ni Gelliane nga aduna gihapoy karma nga mu sa mga suspect ug ang ginoo nay mobalos ngadto sa ilang gihimo ngadto sa iyang kaipon kansa naningkamot lang man unta aron nga buhion ang iyahang pamilya.
Sa karon anaa pa sa talandugong kahimtang ang biktima kansa padayon karon nga giatiban sa Dr. Jorge Royeca Hospital.
Kahinumduman nga nakaangkon ug usa ka samad pinusilan sa wala nga bahin sa iyahang dughan ang biktima gamit ang 9mm nga kalibre sa armas.
Nanghinaut usab si Gelliane nga gilayong masikop sa kapulisan ang mga suspect nga mihimo sa ingon aron usab nga mahatagan ug hustisya ang nahitabo ngadto sa iyahang bana. (Dave Silagan)
