Davao City- Kinaiya sa mga pinoy ug kakuwang sa impormasyon ang panghitabo sa siyudad sama sa pagpatuman sa anti-jaywalking ordinance og balaod trapiko sa dakbayan sa Davao.
Sumala ni Calexto Solis, usa ka PUJ driver sa Catalunan Grande, kulang sa kasayuran ang hinungdan nga sagad makalapas sa maong balaud ilabina ang mga naggikan sa probinsiya nga mologsong sa dakbayan.
Nagtuo si Solis nga kining mga nagasupak ang usa sa hinungdan ang kinaiya sa mga pinoy sa pagkagahi sa ulo nga bisan og aduna nay balaod nga gipatuman mosupak lamang gihapon.
Apan alang kang Reyna Badlis, usa ka pasahero ug nagpuyo sa dalang Boulevard ning dakbayan, nga dili angay basulon ang mga katawhan nga nagasupak kun dili ang tigpatuman sa balaod rason nga dunay kulang sa information drive aron masayran kun unsa ang mga regulasyon sa balaod nga gipaimplimentar.
Gipaabot ni Badlis, angayan butangan og mga signages ang mga kadalanan aron mapaabot sa katawhan ug hingpit nga mosunod sa maong balaod.
RadyoMan Don Pulayao
