Davao City – Natala karong mga panahona sa syudad sa Davao ang kakulangon sa construction workers.
Kini ang gibutyag ni Lilibeth Pantinople sa Public Employment Service Office (PESO)-Davao atol sa pakighinabi kaniya ni RadyoMaN Misel Miral sa tulumanong Serbisyong Straight to the Point.
Sumala ni Pantinople nga adunay kapin 1,000 ka mga construction workers alang sa mga ipatukod nga mga gambalay dinhi sa syudad subay sa inisyatibo sa gobyerno nga “Build, Build, Build” program.
Alang sa mga interesadong mu-apply, mamahimong muadto lang sa ilang mga district offices sa Toril, Calinan, Agdao, Talomo, Baguio, Bunawan ug sa ilang main office sulod sa Almendras gym compound ug magdala sa mga sagad rekisitos sa pagpangapply sama sa resume.
Nagpahinumdom usab ang PESO Davao nga mas maayo og dal-un ang certificates sa mga adunay experience sa construction aron sa pagpamatuod nga adunay na kini kasinatian sa pagpanarbaho isip trabahante sa construction sites.
RadyoMaN Renz Barbarona
