Nagapati si Department of Tourism (DOT) Secretary Bernadette Romulo-Puyat nga posibleng indi eon makabig nga ‘party destination’ rong Boracay kung uman nga buksan raya.
Nasayuran nga kilaea rong Boracay bilang sikat nga party destination bangud sa mga annual events kara kapareho it Laboracay nga ginahiwat kada Mayo uno.
Imbis raya, ginasueong makaron ni Puyat rong isla it Boracay bilang sustainable tourism spot.
Suno sa sekretaryo, paga istoryahan it Boracay Interagency Task Force (BITF) rong guidelines angot sa soft opening it Boracay sa October 26.
Kaeakip sa mga paga istoryahan hay ro posibleng paglimita ko numero it mga turista nga makasueod sa Boracay base sa pagahimuon nga carrying capacity.
Ro inter-agency task force hay ginakaeakipan it Dapartment of Tourism (DOT), Department of Environment and Natural Resources (DENR) ag Department of Interior and Local Government (DILG).
