General Santos City—Nakalutan ang usa ka kalabera sa luna nga tukuran unta ug Hardware nga nahimutang sa may Purok Wal, Barangay Tambler Gensan.
Alas 9:00 ang takna sa buntag kagahapong adlawa dihang nakalutan ang kalabera sa gituohang usa ka babaye sa luna nga iyaha ni Ruel Fernandez, usa ka negusyante.
gibutyag ni Ruel Fernandez nga iyang gipalit ang luna aron nga tukuran ug Hardware. Lunes ilang gisugdan ang paghinlo sa lugar aron masugdan na usab ang construction sa gambahay.
Ala 1:00 ang takna sa hapon niadtong Lunes dihang unang nakalutan sa iyang mga tawo ang tiil sa tawo, Martes dihang nakalutan usab ang lain pang parti sa kalabera sa bangag nga ilang nakalot hangtud sa hawak.
Subay sa ilang pagsuta adunay bangag ang ulo sa nahisgutang kalabera timailhan matud pa nga kini gipusil. Samtang gituohang dugay nang gilubong ang nasangpit sa maong lugar. Sa karon padayon pa ang pagsuta sa kapulisan kinsa ang nanag-iya sa maong kalabera.
