Marikina City – Arestado ang dalawang estudyante sa ikinasang buy-bust operation at mahulihan pa ng sariling taniman ng marijuana sa SSS Village, Barangay Concepcion Dos, Marikina City.
Sa ulat, unang nakabili Ng P500.00 halaga ng marijuana ang mga pulis sa suspek na si Miguel Joseph Arias at ang 17-anyos na kapatid nitong babae.
Matapos ang transaksyon, agad na inaresto ang mga suspek kung saan nadiskubre sa loob ng fully air-conditioned na maliit na kwarto ang halos 40 pirasong paso ng marijuana.
Ginagamitan pa ito ng kakaibang ilaw na nagsisilbing araw at mayroon pang suplay ng tubig para mamunga at hindi malanta.
Ayon sa suspek na si Miguel Joseph, pinag-aralan niya sa internet at binasa sa magazine kung paano magtanim ng marijuana at sa Disyembre sana ang nakatakdang anihan.
