Davao City – Gihisgutan sa mga security forces ug mga opisyal dinhi syudad sa Davao ang seguridad alang sa kalag-kalag lakip na sa umaabot nga Pasko.
Sumala ni Davao City Mayor Inday Sara Duterte atol sa pakighinabi sa DXDC RMN Davao kaniya nga seguridad sa katawhan sa syudad alang sa nasangpit nga mga panghitabo ang gituki sa gihimong City Peace and Order Council Regular Meeting kagahapon sa usa ka dakong hotel dinhi sa dakbayan.
“The thing that they need to to do, to ensure that peaceful ang atoang pag observe sa undas and peaceful also ang atong pag observe sa pasko diri sa syudad sa Davao particularly kadtong mga ordinances nga kinahanglan i-intensify ang implementation like the fire cracker ban during Christmas”, segun sa alkalde.
Dugang sa alkalde nga subay sa plano sa seguridad sa tanang pribado ug pampublikong sementeryo dinhi dakbayan, adunay ilusad ang kapulisan nga information dissemination aron mahibalo ang katawhan og unsa ang mga ginadili o pwedeng dal-un aron dili na mahasol atol sa inspeksyon.
RadyoMaN Renz Barbarona
