Malaybalay City, Bukidnon – Gipasabot sa convenor sa Citizens Watch for Good Governance ang kalainan sa constituent assembly (con-ass) ug constitutional convention (con-con).
Sa interview sa RMN ngadto kang Atty. Antonio Soriano, usa ka political analyst gibutyag niini nga sa Con-ass magpasar ug usa ka joint resolution ang mga congressman ug senador nga ilang rebisahon o e-amendar ang constitution.
Oras matud pa nga ma-aprubahan kini sa plenaryo ang mismong mga magbabalaod sa lower house ug senado maghimo ug usa ka joint meeting aron tukion kung unsa ang amendahan sa konstitusyon.
Samtang sa con-con usab kinahanglan nga mupasar ug resolution ang senado ug lower house.
Pasabot ni Atty. Soriano nga sa con-con magpili ang katawhan alang sa ilang delegado aron maoy maghimo representar sa pag-usab sa konstitusyon.
Sigun niini nga ang mag-convene mga delegado gikan sa nagkadaiyang sector aron maoy ma-amendar sa batakang balaod.
