Carles,Iloilo- Kontaminado sang red tide ang kalalawran sang Isla Gigantes sa Carles, Iloilo.
Ini base man sa report sang Bureau of Fisheries and Aquatic Resources (BFAR) as of August 15, 2017.
Gina-abisuhan ni Regional Director Remia Aparri sang BFAR-6 ang mga pumuluyo nga indi gid anay magkuha ukon magkaon sang mga pakinhason gikan sa Gigantes Island nga kontaminado sang red tide bangud tuman ini ka delikado sa ikaayong lawas kag kabuhi sang tawo.
Dugang pa niya nga mahimo makakaon sang isda, kasag, kag lukos apang siguruhon lang nga preska, nakuha ang mga kasudlan kag naluto sang maayo antes kaunon.
Ginpahayag ni Aparri nga masami nagaluntad ang red tide sa bahin sang Isla Gigantes bangud yara ang presensya sang algae nga nagatuga sang red tide .
Suno sa iya nga kon paborable ang panahon , nagadamo ang algae kag nagatuga sang red tide rason nga nagapula ang tubig.
