Kalampusan sa Davao Peace 911, gipasigarbo ni VP Sara

Davao City – Gipasalamatan ni Vice President (VP) Sara Duterte ang mga indibidwal nga anaa likod sa kamugnaan sa Peace 911 nga nahimong susi sa paghimong insurgency-free sa syudad ilabi na sa far-flung area sama sa Paquibato.

Sa mensahe ni VP Duterte atol sa pagsugod sa Peace Village Exhibit sa usa ka mall dinhi sa Davao City, iyang gibalikan ang mga panghitabo kaniadto sa dihang siya nagserbisyo pa sa City Government of Davao, asa adunay mga sibilyan ug innosenteng indibidwal nga nabiktima tungod sa binuhatan sa mga rebeldeng grupo.

“The peace village to serve as a reminder that cooperation between government agencies, civil society organizations, and like-minded individuals is a powerful source of power to change our people’s course of life,” tipik sa pamahayag ni Duterte.

Gipasabot sa bise presidente nga dako’g kahimuan sa pagmintinar sa kalinaw sa usa ka lugar pinaagi sa pagbaton og good governance, economic opportunities, ug health care services.

Nasayrang nagsilbi usab ang bise presidente nga co-vice chair sa National Task Force to End Local Communist Armed Conflict (NTF-ELCAC).

RadyoMaN Kirby Manzon