Kalampusan tinubdan usab sa depression

14

Davao City – Gipahimangnoan karon ni Bishop Ariel Coleto, usa ka evangelical pastor nga kwidaw kita sa atong mga damgo ug tinguha sa kinabuhi sanglit malagmit kining mahimong tinubdan sa kasamit ug kagul-anan kun dili nato ma-manage kun marendahan og maayo.

Sumala ni Coleto, ang sekreto aron malikayan ang depression ug suicide mao nga ang usa ka tawo mosandig gayud ug molaum ug sa Diyos ug dili magpadala sa pressure sa kalibutan.


Nagtoo si Coleto na ang pag-suicide ni Korean pop star Sulli may kalabutan kini sa mga pressures sa iyang kasikat ug kahadlok nga basin mapakyas kini sa expectations sa iyang mga fans sa industriya sa musika.

Gipasabot ni Coleto nga dili tanang rason sa severe depression may kalabutan sa problema apan karon ang sobra ka sikat ug pagbaton og daghang kwarta mamahimo usang hinungdan sama sa nahitabo sa Korean singer.

Nasuta sa bag-ong pagtuon sa American Christian Psychology nga nanukad na karon ang depression sa pagbiya sa paglaum ug pagsalig sa Diyos tungod sa naangkong kalampusan sa kinabuhi ibabaw aning kalibutan.

Matud ni Coleto, ehimplo si Job sa Balaang Kasulatan nga puwedeng lampasan ang grabeng mga pagsulay nga dili musangko sa severe depression ug pag-suicide ang sitwasyon sa kinabuhi basta magpabilin nga lig-ong mubarog diha sa mga promesa sa Diyos.

Maong tambag sa obispo sa mga sikat ug dato na nga kuptan ang gahum sa Diyos aron mudaog sa bugno sa kinabuhi sa mga pagsulay nga maoy gigamit sa kangitngit sa pagpaantos aron dili mosangpot sa depresyon ug pag-suicide sa mga tawong problemado sa life.

RadyoMaN Joel Viray

Facebook Comments

From Advertisers