Komunikasyon vs depression kritikal

17

Davao City – Usa ka major disorder ang severe depression nga nasinatian sa katawhan diin adunay imbalance sa brain chemicals nga kung dili mabantayan, moresulta kini sa pagpakamatay tungod kay mao na kini ang gitawag nga ultimate symptom kung dili mamatikdan.

Sumala ni Philippine Mental Health Association (PMHA) Davao City Chapter President Precious Manliguez, gikinahanglang makonsulta sa mga miyembro sa pamilya ang usa ka sakop niini nga adunay kabag-ohan sa iyang pamatasan tungod kay timailhan na kini sa depression apan mapugngan kung ma-estoryahan.


Matud ni Manliguez, ang mga nag commit og suicide dili tumong nila nga kutloon ang kinabuhi kun dili, nga ang kasakit nga ilang gibati, ang kagul-anan ug kamingaw mahupay kun mawagtang.

Gipasabot ni Manliguez nga aron malikayan ang depression, gikinahanglan ang ‘social support’ ug ‘open communication’ sa mga sakop sa pamilya aron malikayan ang pagtoo nga nag-inusara na lamang sila ug wala nay kadangpan sa ilang mga mulo ug reklamo.

RadyoMaN Bernard Pantallon

Facebook Comments

From Advertisers