Swerte nga samad lang sa siko ang naangkon sa biktima human kini gipusil sa sakop sa Kalawit Auxilliary Police (KAP) didto sa barangay Poblacion.
Giila ang biktima nga si Hasiden Lontua alyas “Momong”, 19 anyos, resdiente sa Purok Sentro Dos, Pob.
Sa resulta sa imbistigasyon sa kapulisan kining suspek nga si Ruchel Abajar, misulay kini ug ulang human ang iyang pag umangkon nakig lalis ngadto sa biktima.
Pero sa walay igong hinungdan milanit kini ug calibre .45 dayong pusil sa biktima, padayon usab nga gipangita ang suspek human misibat sa wala masutang direksyon.
Samtang Wala na ka ipsot si Anthony Agnis Jr. human giposan sa mga pulis sa dihang napalitan ug marijuana didto sa Purok Dos, Brgy. New Uno, Katipunan.
Kini si Anthony anaa sa drug watchlist sa kapulisan, nga kung diin nakuhaan kini ug duha ka pakete sa gituohang marijuana, ug mga drug paraphernalia.
Himas rehas na karon ang dinakpan ug mag atubang sa kasong pagpamaligya ug guinadiling droga.
