Un alegao drug pusher ya sale arestao durante el drug raid ya conduci maga pulis del Labuan Police Station na PDEA Compound na Upper Calarian del Martes por la noche.
Cargando el search warrant el maga pulis del Labuan Police Station ya apunta na casa del target suspechao si James Peter Abial Depalac, 31, anios de edad y casao ta queda na PDEA Compound, Upper Calarian.
Durante el search, maga pulis ya recobri ciete paquete de shabu balor de P15,000 y un granada.
Con Depalac ya lleva na estacion del Labuan mientras con elmaga shabu ya entega na PNP Crime Laboratory.
Con el granada ya deposita tambien na PNP Bomb Squad para elpropio disposicion.
Ta prepara maga pulis el dos caso de illegal possession of explosive y illegal possession de droga prohibido contra con el suspechao
