Kalilangan Festival 2019 naglampuson

General Santos City—nahimong mabulokon ang selebrasyon sa kalilangan festival 2019 sa syudad sa Gensan, mao kini ang nahimong pag hulagway ni Ralph Layco ang festival director sa Kalilangan Festival 2019.

Sumala pa niini nga nakuha matud pa nila ang ilang buot maangkon nga selebrasyon sa maong festival human nga nakig-alayon sa selebrasyon ang mga generals.

Gikalipay usab niini ang pagtambong sa katawhan sa mga pasundayag nga ilang giandam atol sa kasaulugan kung asa ila gyud nakit-an nga nag enjoy gayud ang mga tao nga mitabong dili lang ang mga locals lakip na ang mga langyaw nga nakig sadya sa kalilangan.


Samtang gipasalamatan man usab ni Layco ang tanang mga mitabang kanila hilabi na sa gihatag nga suporta ni Mayor Ronnel Rivera.

Gipasalig usab niini nga mamahimong mas sadya pa ang musunod nga kalilangan festival ug galing sila lang gihapon ang mag dala niini. (Dave Silagan)

Facebook Comments