General Santos City–Generally peaceful ang nahimong celebrasyon sa kalilangan festival kini ang gipasigarbo ni Police Col. Raul Supiter ang city director sa General Santos City Police Office.
Sumala pa ni Col. Supiter nga sa usa ka simana nga highlight sa Kalilangan Festival walay natalang unsa mang kakulian sa palibot bisan paman ug gipahigayon sa duha ka mga lugar ang mga event.
Tungod matud pa kini sa ilang gipatuman nga hugot nga siguridad sa palibot aron usab nga dili malutsan ug dautang elemento inubanan sa pwersa Sa Joint Task Force Gensan ug ang uban pang force multipliers.
Samtang ubay-ubay man usab nga mga bawal nga butang ang nakumpiska sa kapulisan sa ilang gihimong pag kapkap ug pag check sa tanang bag sa mga buot mu sulod sa oval plaza ug uban pang venue sa mga event atol sa selebrasyon.
Sumala pa ni Col. Supiter nga gikustudiya na matud pa nila ang tanang mga butang nga una na nilang nakumpiska.
Gawas sa mga bawal na mga butang wala naman usay nasinatian nga problem ang mga personahe sa PNP nga nagbantay sa mga pasundayag sa syudad gawas nalang matud pa sa delay nga paghatod sa mga pagkaon, samtang gibanabanaang anaa sa dyes mil ka mga katawhan ang nakigsadya sa mga pasundayag sa kalilangan festival 2019. (Dave Silagan)
