Davao City – Niadtong dekada ‘70 ang syudad sa Davao gikonsiderang gubot nga syudad tungod sa presensya sa mga grupo sa dautang elemento nga nagahimo ug krimen sa dakbayan bisan pa man sa gipatumang kahapsay ug kalinaw sa kapolisan sa rason nga dili mahadlok sa paghimo ug kasamok ang giingong mga grupo.
Sa interview sa DXDC RMN Davao kang kanhi Barangay 3-A Poblacion Davao City Barangay Kagawad Ernesto “Boy” Macasaet Jr., dunay mga grupo sa dakbayan nga nagahimo og krimen nga walay kalooy nga mopatay ug magpakamatay.
Kahinumduman usa sa police nga naningkamut nga mapakgang ang mga dautang binuhatan sa mga kriminal mao si Kanhi Col. Ernesto “Erning” Macasaet Sr., nga amahan ni kanhi Kagawad Boy Macasaet inabagan sa uban pang mga Police nga nailang Tombo Brothers, samtang sa dekada ‘80 nagpadayon gihapon ang kagubot sa Davao sa dihang misulod na ang droga ilawom sa lederato sa Mayor nga si Kanhi Mayor Zafero Respecio.
Apan sa dihang milingkod na isip Mayor sa Davao si Mayor ug karon Presidente Rodrigo Duterte, inanay nga napakgang ang mga dautang grupo sa mga kriminal hangtod nangawala sa syudad tungod sa istriktong pagpatuman sa mga balaod.
Tungod niadto naangkon na sa mga dabawenyo ang kahapsay ug kalinaw ug dili kana mahadlok sa dakbayan hangtod na karon sa liderato ni Davao City Mayor Inday Sara Duterte Carpio.
Nunot niining ika-33 nga Kadayawan Festival sa Davao gisulti ni Police Sr. Supt. Alexander Tagum, Davao City Police Office (DCPO) Director, karon hugot nga seguridad ang gipatuman sa pagpanguna sa Davao City Police Office, Eastern Mindanao Command (EASTMINCOM), Task Force Davao (TFD), Force Multifliers, Barangay Officials ug mga stakeholders aron mamahimong luwas, hapsay ug malinawon ang selebrasyon sa Kadayawan sa Davao.
RadyoMaN Bernard Pantallon
