Davao City – Mayor Sara: “I now declare Kadayawan Festival 2018 officially open.”
Nagmalampuson ang opening sa ika-33rd Kadayawan Festival 2018 sa tema nga Stand Tall, United, Resilient.
Gidugok kini sa daghang mga tawo nga niduyog sa pormal nga pag-abli sa labing giatangang dakung aktibidad sa lungsod.
Gipanguluhan ni Davao City Mayor Inday Sara Duterte-Carpio ang engrandeng opening sa gipahigayong seremonyas.
“Kadayawan is a celebration of thanksgiving and a celebration of multicultural diversity here in Davao City. Let us celebrate the beauty of our diversity, let us give thanks for the blessing our city has recieved, let us enjoy all the activities that has been set for this year’s festival,” segun niini.
Gi-highlight SA Subang sinugdanan ug Panagtagbo ang pagbinayluay sa atong 11 ka tribo sa ilang mga gipasigarbong mga produkto ang mga produktong bunga sa ilang mga kakugi ug sa ilang panginabuhi.
“Sauna man gud we gave value to the cruising and how the 11 tribes met pero karon siya ang among gihatagan og point and focus is more on what made them converge so that’s trading karon gi-magnify nato ang market place nila, una the Padian at the Tabuan and then we made a concept na kumbaga hatagan nato og bili kung nganong kinahanglan sila mag-cruise,” matud ni Quibete.
Nagpahigayon ug misa ang syudad uban ni CBCP president ug Davao Archbishop Romulo Valles.
Gipaabot sa alkalde ang iyang pasalamat ngadto sa tanang mga partners ug mga Davaoeños sa walay puas nga suporta para sa syudad.
“As we officially open the 33rd Kadayawan Festival I am inviting all Davaoeños to go out and celebrate Kadayawan,” matud niini.
Karong tuiga mas daghang mga atraksyon sa mga bisita ug mga kalingawan ang giandam sa dakbayan sama sa Kadayawan Village sa Magsaysay Park featuring ang mga traditional houses sa 11 tribes, Pananam Food Hall, Hiyas sa Kadayawan, Indak-indak sa Kadalanan, Pamulak ug Pitik sa Kadayawan nga maoy mga highlight events.
RadyoMaN Aimee Guinita
