Nagapanagtapok na usab karon ang tanang Dabawenyos para ipahigayon ang pinaka-popular nga festival – ang KADAYAWAN!
Kini ang selebrasyon sa maayong ani, tungod kay abunda ang Davao sa mga prutas, hilabi na ang Durian, ug mga bulak sama sa orchids.
Matod pa, ang term nga Kadayawan gikan sa dialect sa Mandaya nga ang pasabot kay “madayaw” o ilang mainit nga pagtimbaya dili lamang sa mga Dabawenyos, kundi sa mga turista sa syudad. Ginagamit usab kini sa ubang term sama sa importante, bahandi, labing-hingpit, gwapo, maayo, o mapanapion. Ang Kadayawan matod pa sa Mandaya kay buot pasabot, selebrasyon sa kinabuhi, gasa sa kinaiyahan, yaman sa kultura, abunda sa ani ug kahapsay sa pamuyo.
Kada ting-ani, ang mga lumad palibot sa Mt. Apo, kay naga tipon pud hilabi na pag maayo ang ilang abot para magpasalamat sa kahitas-an. Matod pa, ang okasyon kay nailhang malipayon tungod sa pagsayaw, pagkanta, ug apil na ang paghalad sa mga langitngong tigbantay.
Tradisyon na sa Davao na isaulog kini kada musapit ang ikatulong semana sa Agosto, kauban ang mga dagkong floats nga gihimo sa preskong bulak ug mga prutas sa tinuig nga float parade, ug ang makalingaw nga Indak-Indak sa Kadalanan o street dancing competition tungod sa mga mabulukong suot nga costumes sa mga participants. Naga parada pud usab ang mga nagkadaiyang tribo sailang kasuotan ug tribuhanong alahas.
Sa mga ulahing adlaw, puno ang kadalanan sa mga mananayaw nga ginasabayan ang lokal nga tugtog ug mga maanindot nga floral floats kauban ang mga maanyag ug glamorosang babae sa Mindanao. Ang kadayawan ang panahon sa kalingawan sa tibuok dakbayan, ug dili ni mahimong kumpleto kung wala ang Hiyas ng Kadayawan pageant, kung asa gipang lahukan sa onse ka babayeng kinatawan sa onse pud ka tribo sa tibuok Davao.
