Davao City – Nanawagan karon ang simbahang Romano Katoliko sa katawhan nga dili dayon motoo sa mga mogawas nga mga inpormasyon diha sa social media ilabi na kung wala naggikan sa hingtungdang ahensya sa gobyerno.
Sumala ni Catholic Bishops Conference of the Philippines (CBCP) President ug Davao City Archbishop Romulo Valles, bisan ang ilang mga ginsakpan gipasidan-an usab niya nga dili gilayon motoo sa mga manggawas nga inpormasyon sa gikabani-og nga ‘The Big One’ kon usa ka makusog nga linog nga motay-og.
Dugang usab ang obispo nga human sa mga nasinatiang mga pagtay-og, kinahanglang magpabiling kalmado, alerto ug motuman sa unsa mang i-mando sa gobyerno kontra kalamidad ug dili magpapildi sa hulga mugna sa trahedya o katalagman.
RadyoMaN Bernard Pantallon
