General Santos City— problemado karon ang mga residenti sa Brgy. Palian, Tupi, South Cotabato human nabangag ang dakong bahin sa kalsada sa ilang lugar gumikan sa sunod sunod nga pagbundak sa ulan.
Nasayran nga halos matag-adlaw nasinatian ang kusog nga pag ulan sa lungsod ug uban pang lugar sa south cotabato nga miresulta sa mga pagbaha sa pipila ka lugar.
Sa pagsuta sa Municipal disaster Risk Reduction and Management Council mukabat sa dul-an 10 ka metros ang gilay-on sa kalsada sa may Purok Salagidan samtang adunay gilapdon nga 25 metros ang gikankan sa tubig baha.
Sa kasamtangan mga motorsiklo lang ang makaagi sa maong dalan tungod peligroso pa kini ngadto sa mga dagkong sakyanan. Sa karon naghimo nag lakang ang municipal Engineering Office sa Tupi kalabutan sa maong problema.
