Ayon kay House Secretary General Reginald Velasco, inaprubahan ng Kamara ang hiling na travel authority ni dating Pangulong Gloria Macapagal Arroyo para sa kaniyang biyahe sa Singapore mula April 3 hanggang 21, 2025.
Sa kaniyang Facebook post, sinabi ng dating pangulo na sasamahan niya si dating First Gentleman Mike Arroyo sa Singapore kung saan ito isasailalim sa isang matinding operasyon dahil bumalik ang dating problema sa puso.
Bunsod nito ay nananawagan ng panalangin si dating Pangulong Arroyo para sa kanyang pamilya.
Binanggit ni Rep. Arroyo na ang kanyang anak na si dating Congressman Mikey Arroyo ay natuklasang may Stage 1 Cancer sa Thyroid Gland at sumailalim na sa operasyon noong March 18.
Binanggit din ni Arroyo ang pagpanaw ng mister ng kaniyang pamangkin na si Paowee Tantoco kamakailan.
