General Santos City–Gibutyag ni Police Senior Inspector Bobby Maghirang, Deputy Station Commander sa Alabel Municipal Police Station nga wala namatay sa kulata ang usa ka James Rabi, 21 anyos, lumulopyo sa may Purok 7, Barangay Poblacion sa maong munisipyo inay bato nga gigamit sa paghapak sa ulo sa biktima sa mga suspek
Kahinumduman nga bandang alas 2:00 sa kadlawon una nang nakabingkil sa biktima ang mga suspetsado nga silang Macoy Beldad ug Chabby Belgado sa usa ka balay kahilayan ug sa dihang mipauli na ang biktima didto na gi-atangan sa mga suspek.
Kahibaluan nga gidala pa sa balay tambalanan sa dakbayan ang biktima apan namatay lang gihapon kini pila ka oras nga pagpabilin niini sa ospital.
Sa karon padayon ang gihimong imbistigasyon sa Alabel Municipal Police Station samtang ginaandam na ang pagpasang-at ug kaso batok sa mga suspek kansa pabiling gawasnon karong panahuna. (Ray Sabillo)
