General Santos City–Nahagbong sa areglo ang nahitabong disgrasya sa kadalanan nga gikalambigitan sa bus, van ug topdown sa may national highway nga sakop sa Barangay Palian, Tupi, South Cotabato diin usa ang namatay.
Sumala ni Police Sergeant Ray Pagdatu, imbistigador sa Tupi PNP, ang namatay mao si Michael Vinson, legal age, residenti sa Crossing Rubber, Tupi.
Nasayran nga una nang nag areglo ang pamilya sa biktima ug YBL ingon man sa driver sa van nga maoy nakabangga patay sa nasampit nga biktima. kondisyon sa areglo nga bayran ang pagpahiluna sa patayng lawas sa biktima.
Gibutyag usab ni Police Sergeant Pagdatu nga padulong sa direction sa koronadal City ang topdown ug nag bus. Kalit lang matud pa nga niliko ang topdown mao nga naigo sa bus ang lubot nga bahin sa topdown sa biktima.
Gumikan sa kusog nga impact, nalabay ang biktima sa pikas nga lane kung asa nabanggaan sab kini sa van nga padulong unta sa Polomolok. Gidala pa sa ospital ang biktima apan nakabsan gihapon kini sa iyang kinabuhi.
