General Santos City–Walay nakit-ang foul play ang Kiamba Municipal Police Station sa kamatayon sa usa ka Reylan Piquiro, 35 anyos nga taga Barangay Suli, Kiamba, Sarangani Province kansa una nang nakaplagang patay niadtong nakalabayng adlaw sa nasampit nga lugar.
Sumala ni Police Chief Inspector Benjie Anchita, Hepe sa Kiamba PNP nga basis a ialng imbistigasyon sa lugar, wala silay nakit-ang timailhan nga kini gituyo ug patay.
Posibli matud pa nga hilabihan ka hubog ang nasampit ug nabunal ang ulo niini sa gahing butang nga hinungdan sa iyang kamatayon.
Dugang pagbutyag ni PCI Anchita nga basi sa ilang pakighinabi sa mga residenti sa lugar, punay gyud nga gainum ug ilimnong makahubog ang biktima.
Punay usab kining mahubog gumikan sa sige niini ug inum.
Samtang sumala ni Anchita nga adunay posibilidad nga giataki sa kasing kasing ang biktima ug natumba kini, dayon nabunal ang iyang ulo nga hinungdan sa iyang kamatayon.
