General Santos City–Gibutyag ni Malapatan, Sarangani Province Councilor Mike Maguan, nga nasabutan sa mga opisyal sa lungsod nga ipaabot ngadto sa senado ang nahitabong ronda sa panimalay ni Sapu Masla, Malapatan barangay kagawad Al Sambaga nga gikamatay sa nahisgutan.
Sumala niini nga dapat lang maimbistigahan ang maong insidenti. Klaro matud pa ug tataw nga dunay sayop sa gihimong ronda gumikan sumala pa wala gyud nahatagan ug tyansa nga mabuhi ang maong opisyal sa Barangay.
Nabalaka ang nasangpit nga basin unya ang uban na usab nga opisyal sa lungsod maoy tamnan ug yano lang patyon sa operasyon sa kapulisan.
Kahinumduman nga una nang gironda ang panimalay ni Barangay Kagawad Al Sambaga niadtong nakalabayng simana diin patay gyud ang nasangpit apil ang usa niini ka pag-umangkon human matud pang nisukol ngadto sa nagoperate nga kapulisan nga sakop sa RPDEU.
