General Santos City—sakit ang gituohang hinungdan sa kamatayon sa gwardyang si Eddie Barcelona Duran, 44 anyos, lumad nga taga M’lang North Cotabato og temporaryong nagpuyo sa Barangay Bula ning dakbayan sa Gensan.
Sumala ni Police Sr. Inspector Bryan Oneil Salvacion, Hepe sa Police Station 6 nga walay timailhan nga gituyo og patay ang nasangpit nga gwardya tungod kay wala may mga nakit-ang timailhan nga dunay nahitabong kumusyon sa lugar hain nakaplagan ang patayng lawas sa biktima.
kahinumduman nga Alas 5:30 sa buntag kaganina dihang nakit-an ang patayng lawas sa biktima sa may P. Acharon corner Cabe Subd., Barangay Bula, Gensan sa mga nag jogging diin ulo niini ang nahagbong na sa bangag.
Duda sa kapulisan nga nagbaktas ang nahisgutan ug giataki sa iyang balatian mao nga natumba ug nakabsan sa iyang kinabuhi.
