Ang naila nga lider sa CPP NPA NDF nga si Jorge Madlos o naila sa alias nga si Ka Oris ang gikumpirmar nga napatay sa militar sa usa ka encounter alas 11:30 kaganihang udto didto sa Sitio Gabunan, barangay Dumalaguing lungsod sa Impasug-ong, Bukidnon.
Sa usa ka press statement gihulagway ni 4th Infantry Division Commander, Major General Romeo Brawner, Jr. ang pagkapukan ni Ka Oris isip pag ka tapos usab sa iyang pagka terrorista.
“Ka Oris’ reign of terror ends as Army’s 4ID neutralized most wanted top CPP leader in an encounter in Bukidnon”, unod sa press statement gipagawas sa 4th Infantry Division, Philippine Army.
Si Madlos napatay kauban ang usa pa ka CPP NPA human gilusad ang joint operation sa 403rd Brigade, 1st Special Forces Batallion, 88th IB ug 8th IB.
Si Major Francisco Garello, Jr. sa Division Public Affairs Office sa 4th ID namahayag nga 403rd Infantry Brigade sa 4ID naglusad sa joint and combined combat operations 12:30 kaganihang kaadlawon isip tubag sa impormasyun gikan sa kumunidad nga adunay daghanang armado sa lugar nga gituohang sakop sa National Operations Command (NOC) of the CPP-NPA Komiteng Mindanao (KOMMID); Regional Operations Command (ROC), HQ NEO, RSDG COMPAQ; and Guerilla Front 89 of the North Central Mindanao Regional Command ug naghimo sa teach-ins and indoctrination sa lugar.
Si Brigadier General Ferdinand T Barandon, Commander sa 403rd Brigade, namahayag nga ang assaulting troops naglangkub sa 8IB, 1SFBn, ug 88IB pag abot sa lugar ilang namatikdan nga adunay nakakatag nga anti-personnel mines (APM) ug siguradong mamaligro ang tropa.
Dasun pa sa heneral nga timailhan kini nga adunay gibantayan nga taas nga lider sa maong area, hinungdan nga nag request kini ug air support ug gihimo ang airstrikes.
Alas 11:30 kaganihang udto gihimo sa tropa ang final ground assualt ug nakabakbakan ang 30 ka mga armado.
Human sa 30 minutos nga sinukliay sa bala, gisiksik sa tropa ang area ug nakita ang 2 ka patay nga lawas, m14 rifle, 1 ka KG9 rifle, daghanang bala ug mga war materials.
Si Ka Oris, ang Commander ug spokesperson sa National Operations Command (NOC) sa New People’s Army nationwide; Member, Central Committee – EXECOM/Politburo; Spokesperson of the National Democratic Front – Mindanao, ug bana ni Myrna Sularte alias Maria Malaya, Secretary sa North Eastern Mindanao Regional Committee (NEMRC).
Ang usa ka patay naila nga si Eighfel Dela Pena alias Pika/Maui, Comms Staff and Medical Staff of the NOC.
Si Oris usa ka top most wanted NPA commander sa nasud. Aduna kini mga kaso sama sa robbery with double homicide and damage to properties with Criminal Case (CC) Nr 2295; Multiple murder and double frustrated murder with CC Nr 20162-09 and 20163-09; and murder with CC Nrs 20867-10, 20957 to 59-10, 17754-07, L-2628, L-2629 to 30.
Natapos ang kinabuhi ni Oris human sa taas nga panahon pag tago tago ug gilauman matapos na ang insurgency sa Mindanao.
