Matapos na karong adlawa ang Kambisita o ang pagbisita sa mga residente sulod sa ground zero sa MarawiCity.
Nagsugod niadtong Abril 1, gihatagan og kahigayonan ang mga residente nga makabisita sa ilang kanhi mga balay sulod sa kanhi main battle area aron masalbar o makuha ang kung unsa may nahibilin nga gamit human ang lima ka bulan nga giyera niadtong nakalabay’ng tuig.
Mga residente sa mga barangay sa Lumbac Marinaut, Marinaut West, DatuNaga, Dansalan ug Datu sa Dansalan, nga gitawag og Sector 9, ang mitapossa kapin usa ka bulan nga Kambisita.
Sugod ugma, wala nay tugutan nga sibilyan nga makasulod sa most affected area tungod kay magsugod na ang mga Army Engineers sa ilang himoong debris clearing.
Bu-ot ipasabot, hingpit na’ng gubaon ug bungkagon ang mga istraktura o buildings nga gipanag-iya sa gobyerno alang sa ipahigayong rebuilding ug reconstruction sa Marawi City sa Hunyo.
Una na’ng miingon si Housing Assistant Secretary Felix Castro, field office manager sa Task Force Bangon Marawi, nga ilakip nila sa debris clearing ang mga pribadong istraktura kung adunay pagtugot gikan sa mga tag-iya niini.
