Davao City- Human sa usa ka tuig nga mangilgig nga Roxas Night Market bombing nag tapok pag usab ang mga biktima ingon man mga kabanay niadtong nakabsan sa kinabuhi sa usa ka commemorative mass mismo sa blast site.
Sa maong aktibidad nakit-an ang pipila ka mga kabanay nga emosyonal gihapong naghandom sa ilang minahal sa kinabuhi.
Usa na dinhi si Dennis Larida, diin siya miingon nga hangtod karon gimingaw gihapon kini sa iyang misis ug anak nga namatay atol sa maong pagpamomba.
“Nag try gyod ko ganina nga dili ko muhilak pero nitulo gyod ug dili gyod makaya. Gidawat nako ang kamatayon sa akong asawa ug sa akong anak pero kanang mag ingon ka nga dili ko makahilak, makahilak gyod ko” segun ni Larida.
Kahinumduman nga si Larida kuyog sa iyang asawa nga si Melanie ug ang ilahang dose anyos nga anak nga si Deniel Josh niadtong tungora sa dihang nahitabo ang pagbusikad sa improvised explosive device.
“Kanang na-miss lang nako sila. Naka offer na ko og bulak pero patay na sila. Actually dili man gyod ko tighatag og bulak sa akong asawa, dili man nako siya ugali pero sa karon nakahatag ko og bulak pero patay na sila. Emosyonal lang gamay.”
Subay niini, gisakitan sab ang Inahan sa Dakbayan sa nahitabong pagpamomba nga mikalas sa 11 ka kinabuhi sa katawhan.
“I‘m sorry that it happened. I am sorry that we have to do this every year, we have to remember those who passed, and we have to relieve the tragedy every year. And some of you dunay mga samad nga forever kinahanglan tambalan.I am truly sorry that you have to go through it.”
Hagit sa Mayora sa publiko nga padayong makigkoordinar sa awtoridad alang sa padayong laban kontra terorismo.
Kasamang Abi Bibera
