Pagadian City – Karong adlawa sugdan sa mga opisyal sa Bureau Fire Protection ang kalihukan kabahin sa pag-obserba sa Fire Prevention Month aron pagpahinumdom sa publiko bahin sa peligro dala sa sunog.
Nahipos nga datos sa RMN DXPR Pagadian, sulod sa nakalabay nga duha ka bulan gikan sa enero daghang mga dagkong sunog nga natala dinhi sa Probinsya sa Zamboanga del Sur ilabi na sa Pagadian ug minilyon ka pesos kabtangan ang nangaugdaw.
Partikular sa mga dagkong sunog nga nahitabo mao ang sa Barangay Kawit ning syudad diin gatusan ka panimalay ang naugdaw. Sumala ni Chief Inspector Dionisio Cayudong Jr, ang City Fire Marshall, ang sunog mahimong malikayan kun ang katawhan maedukar bahin niini.
Ang lokal nga kagamhanan usab sa syudad nanihunga nga maedukar ang katawhan ug nags-umol og pwersa aron maoy mosuta ang mga lugar nga delikado sa sunog.
