Davao City – Girekomenda sa City Transport and Traffic Management Office (CTTMO) nga patas-an ang silot sa mga malapason sa balaud trapiko partikular sa illegal parking diha sa kadalanan.
Sumala ni CTTMO chief Dionisio Abude, ginapaabot pa nila ang tubag sa City Legal Office bahin sa ilang hangyo nga patas-an sa 5-mil ka pesos ang silot sa mga makalapas sa No Parking Policy.
Gipasabot ni Abude nga grabe na karon ang mga kaso sa iligal nga pagpark dili lang sa highways apan usab sa central districts diin matud pa ginabalewala na lamang ang P500 nga penalty sa obstruction ug illegal parking.
Gani malaumon kini nga madisiplina ang mga drivers panahon nga ma-amyendahan na ang presenteng balaud-trapiko.
“Basig kung ma-increasan aduna nay disiplina ang driver tungod kay dako-dako naman ang makuha sa iyang financial capacity unya gimaximize na ang penalty,” segun niini.
RadyoMaN Jason Amisola
