General Santos City— mas gipakusgan pa sa kapulisan sa Maitum, Sarangani Province ang ilang kampanya batok niining mga illegal Logger nga nakaoperate sa ilang lugar. kini ang nahimong pahayag ni Police Sr. Inspector Rodel Javison ang hepe sa Maitum Police Station.
Sumala sa opisyal nga hugtanon karon ang ilang monitoring sa kabukiran aron nga masanta na ang pagpamutol ug kahoy sa ilang lugar. Kung kahinumduman nga sunod sunod nang operasyon ang ilang gihimo diin daghan silag nakumpiskang mga pinutol nga kahoy.
Usa karon sa ilang ginatutukan ang pag ila sa mga lambigit niini aron nga ilang makasuhan.
Dugang pagbutyag ni PSI Javison nga buot niyang mismong ang nanag-iya ug chainsaw maoy ilang madakpan sa ilang kampanya batok sa illegal logging.
Sumala niini nga kung walay chainsaw sa ilang lugar segurado matud pang wala usay mamotol ug kahoy.
Sa kasamtangan sumala pa padayon ang ilang pakig-alayon sa kumunidad aron sayron kung sila si kinsa kining mga lambigit sa illegal logging. Samtang nagpatabang na usab sila sa katawhan sa matag barangay pinaagi sa pag sumbong sa kapulisan kung adunay mamonitor nga lambigit sa illegal logging.
