Sa interbyu sa DXDC RMN Davao kang Engr.Marie Jean Jaralba Administrative Officer lV sa LTRB-Xl gisulti niya nga nagpadayon ang pagpanakop sa mga sakyanan nga colorum ug uban pang may kalapasan sa prangkisa.
Segun ni Jaralba, sukad niadtong bulan sa Enero ning tuiga hangtud sa Marso, tulo ka SUV van nasakote ug usa ka tourist transport service unit na impound sa maong buhatan.
Gipasabot usab ni Jarabal nga dakpon ang mga van driver nga wala magsunod sa ilang ruta apil usab ang mga taxi driver nga ilang ipapakyaw ang taxi per ulo sa ilang pasahero og wala paggamit sa metrohan sa taxi diin makonsidera usab kini nga colorum.
“Kasagaran gyud madakpan, kanang taxi driver nga mag per ulo… Dapat 3-4 lang masulod sa ilang taxi, 5 including driver na,” sulti ni Jarabal.
Subling nagpahimangno ang opisyal ngadto sa mga driver nga kadtong makalapas niini, adunay violation fee kun multa diin ang bus P1M, ang taxi P120,000 ug ang PUJ P50,000.
RadyoMaN Don Pulayao
