Malabon City – Arestado ang 12 drug personalities kabilang ang isang hinihinalang lider ng drug group matapos ang magkasunod na drug operation ng Northern Police District (NPD) sa Malabon City.
Ayon kay NPD Director Police Chief Superintendent Amando Empiso, unang naaresto sa buy bust operation si alyas Mabong, 32-anyos, residente ng Navotas City.
Nakabili ng 500 pesos na halaga ng shabu ang poseur buyer kay alyas Mabong kung saan narekober ang apat na sachet ng shabu.
Matapos mahuli, itinuro ni Mabong ang mga sinusuplayan pa ng droga na naging dahilan ng pagkakaaresto ng 11 iba pa.
Sa kabuuan, narekober ang 84 na gramo ng hinihinalang shabu na nagkakahalaga ng mahigit isang milyong piso, dalawang hand grenade at isang pistol at mga bala nito.
Facebook Comments
