KAMPANYA KONTRA DROGA | 30-anyos nga lalaki, arestado sa drug buy bust operation

440

Roxas City – Dakop ang isa ka persona sa ginkasa nga buy bust operation sang mga katapo sang Roxas City PNP Station Drug Enforcement Team sa Brgy. Mongpong sining syudad alas 11:25 sang gab-i.
Ginkilala ang subject person kay Rene Teodosio y Blancaflor, 30- anyos ang pang-edaron kag residente sang Brgy. San Jose, Roxas City.
Ini ang una na nga nadakpan sa anti-illegal drug operation kag nahilway lamang matapos nga nag-avail sang plea bargaining agreement apang liwat nga nagbalik sa iya iligal nga buluhaton.
Natigayon nga makuha kay Teodosio ang siyam ka sachet sang suspected shabu, buybust money nga balor P1,000 pesos, motorsiklo kag mga drug paraphernalia. Magapangatubang sang kaso ang amu nga persona nga paglapas sa RA 9165 ukon Comprehensive Dangerous Drugs Act of 2002.

Facebook Comments