Ivisan, Capiz – Arestado ang 39- anyos nga tricycle driver sa ginpatigayon nga drug buy bust operation sang gintingub nga puwersa sang Ivisan, Mambusao kag Sapian Station Drug Enforcement Team.
Naglab-ot sa 11 ka sachets sang suspected shabu ang nakuha sa mga kamot sang suspek nga ginkilala sa kay Jorge Barrios y Benliro sang nadakpan ini sang mga kapulisan sa Barangay Malocloc Norte, Ivisan, Capiz kagab-i. Nakuha man sang mga kapulisan ang isa ka cellphone nga ginagamit sang suspek sa iya mga transaction kag ang P500 nga marked money.
Nakahunong na sa karsel sang Ivisan PNP ang nasambit nga suspek kag natalana pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002. Nahibaluan nga madugay na nga ginpaidalom sa monitoring si Barrios antes ginpatigayon ang madinalag-on nga operasyon sang mga kapulisan.
