KAMPANYA KONTRA DRUGA | Apat ka mga persona, arestado sa separado nga buy bust operation sa banwa sang Panay kag President Roxas

67

Roxas City, Capiz – Arestado ang duha ka mga persona lsa diin isa ang menor de edad sa Barangay Tanza Sur, Panay sa ginkasa nga buybust operation sang mga katapo sang Provincial Drug Enforcement Unit (PDEU) sang Capiz PPO kag Panay PNP. Ang mga subject person ang ginkilala kanday Ken Joy Arcangeles, 21-anyos sang Barangay Tanque, Roxas City kag isa ka-17 anyos nga menor de edad nga lalaki nga residente sang Barangay Jumaguicjic, Roxas City.
Narekober sa mga ini ang siyam tanan ka sachets sang ginasuspetsahan shabu kag 500 pesos nga marked money.
Samtang, arestado man sanday Jocel Moralita kag Leo Cortesta sa ginkasa nga buy bust operation sa may bahin sang Barangay Poblacion banwa sang President Roxas kun sa diin narekober sa mga ini ang walo ka sachet sang suspected shabu, P500 nga buy bust money, drug paraphernalia kag cellphone.
Ang amo nga mga persona ang pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002.
photo(c)- Punong Barangay Jeffrey Dela Cruz

Facebook Comments