Kalibo, Aklan – Natigayon nga madakpan sang ginhugpong nga pwersa sang PDEA Aklan, Aklan Police PDEU, Kalibo kag Numancia MPS subong man PIB APPO, APMFC kag Aklan HPG ang asawa sang ginakabig nga High Value Target Drug Personality Level-II nga si Ryan Aninacion.
Arestado ang subject person nga si Maribel Manos y Pagado, alias Bel, 29-anyos sang Brgy Punta Tabuc, Roxas City, Capiz matapos ini ang ginpaidalom sa buy bust operation alas 9:30 sang gab-e sa Sitio Baybay Brgy. New Buswang, Kalibo, Aklan.
Natigayon nga marekober sa iya posisyon ang isa ka sachet sang suspected shabu nga ginabanta nagabalor sang P2, 000 pesos.
Sa madumdoman, una nga nadakpan ang bana sini nga si Ryan Aninacion snag nakaligad nga Enero 20, 2019 kun sa diin kadungan man sang kaadlawan sang Kalibo Ati-atihan Festival lakip ang apat nga iban pa. Ang mga ini ang ginkilala kanday Michael Adrias alyas “Pads”, 32-anyos sang Sitio San Juan, Brgy. Baybay Roxas City; Jamaica Cillo, 19-anyos sang Tanza Crossing, Panay Capiz; Angelica Aranza, 26-anyos sang Baybay San Juan, Roxas City kag Leonardo Anbino nga taga Taguig City.
Magapangatubang ang amu nga mga persona sang kaso nga paglapas sa sections 5, 11 kag 12 sang RA 9165 Comprehensive Dangerous Drug Act of 2002.
