ROXAS CITY, CAPIZ- Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang isa ka persona nga nadakpan isa ka buy bust operation sa Brgy. Cagay, Roxas City.
Ginkilala ang subject person kay Freeman Villeza y Javello, 42-anyos ang pang-edaron kun sa diin kalakip sa nadakpan ang live-in partner sini nga si Raquel Dilid y Tabillo, 40-anyos kag persona nga nagahingalan kay Cristy Lastimoso.
Narekober sa mga ini ang kabug-osan nga siyam ka sachet sang suspected shabu kun sa diin ginabanta nga nagabalor sang P135, 000 pesos. Nakuha man ang duha ka cellphone, P1000 pesos nga buy bust money kag pouch.
Suno kay Supt Dante Tayco, drug surrenderer ang nadakpan nga subject person. Samtang ang mga ini yara na subong nakahuong sa lock-up cell sang Roxas City PNP.
